18 mil habitante mas

Hulanda otro banda di laman

Ayera, riba 10 di òktober 2010, Boneiru, Saba i Sint- Eustatius ta forma parti hurídiko di Hulanda. Pa e motibu aki entrante e fecha aki Hulanda lo kontra ku 18 mil habitante mas. E teritorio nobo di Hulanda a haña e nòmber di Karibe Hulandes.

E edat promedio di e habitantenan nobo di Hulanda ta 35,7 ku ta 4,4 aña mas hóben ku e edat promedio di Hulanda. Partikularmente e kantidat di personanan riba e edat di 65 aña ta diferensia: ménos ku 9% di e komunidat di Karibe Hulandes tin 65 aña òf mas kompará 17 porshentu na Hulanda. Un otro punto interesante ta e kantidat abou di hóbennan entre e edat di 18-22 aña riba e islanan. Esaki probablemente ta ser okashoná dor ku nan mester sigui estudio avansá na un di e otro islanan di Antia, na Hulanda òf na otro parti di mundu. Saba tin basta persona den e edat di 20 pa riba, esaki tin di haber ku e echo ku tin un skol di medisina na e isla ku ta atraé hopi studiante estranhero.

18 mil habitante mas

Riba tereno estatal Hulanda ta konta ku 18 mil habitante mas riba 10 di òktober 2010. Estadistikamente e habitantenan di Karibe Hulandes lo keda wòrdu kontá separá. CBS (servisio sentral di statistik) a skohe pa presentá informashonnan estadistiko di Karibe Hulandes di forma independiente i lo no integrá esakinan den e relatonan estadistiko eksistente di Hulanda.